2023-cü il ərzində Azərbaycanın Sinqapurla ticarət dövriyyəsinin ümumi həcmi 2022-ci ilin müvafiq dövrünə nisbətdə 3,3 dəfə və ya 83,7 milyon ABŞ dolları artaraq 119,7 milyon dolları üstələyib.

“Azərbaycan iqtisadiyyatı” Teleqram kanalının Dövlət Gömrük Komitəsinin hesabatı əsasında apardığı hesablamalara görə, ötən il Azərbaycandan Sinqapura 95,1 milyon dollar dəyərində məhsul ixrac edilib ki, bu da 2022-ci ilin göstəricisindən 72 dəfə və ya 93,8 milyon dollar çoxdur.

Sinqapurdan Azərbaycana idxal edilən məhsulların dəyəri isə 29 faiz və ya 10 milyon dollar azalaraq 24,6 milyon dollar təşkil edib.

2023-cü ilin nəticələrinə görə, ölkənin ümumi ticarət dövriyyəsində Sinqapurla ticarətin payı 0,23 faiz təşkil edib ki, bu da bir il öncəki göstəricini 0,17 faiz bəndi üstələyir.