Azərbaycanda Qadın Sahibkarlığının İnkişafı Assosiasiyası cari ildə beynəlxalq ticarət sahəsində əlaqələrini bir sıra istiqamətlər üzrə quracaq.

Bu barədə "Azərbaycan iqtisadiyyatı" Teleqram kanalına Assosiasiyanın İdarə Heyətinin sədri Səkinə Babayeva deyib.

Onun sözlərinə görə, söhbət yeni tərəfdaşlarla əlaqələrin qurulması və ölkə daxilində müxtəlif forumların təşkil edilməsindən gedir.

“Bu məqsədlə bu ilin may ayında Bakı Expo Mərkəzində bir sıra ölkələri təmsil edən qadın sahibkarların iştirakı ilə sərgi təşkil olunacaq. Bu, həmçinin, ölkəyə gələn turistlərin ekoturizmə yönəldilməsi baxımından vacibdir”, - deyə S.Babayeva qeyd edib.