3 Mart 2024

VERGİLƏR

SOSİAL-İQTİSADİ ONLAYN QƏZET

Uluqbek Kamaletdinov: “COP29 yaşıl texnologiyaları daha geniş tətbiq etməyə kömək göstərəcək”

BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının (COP29) Azərbaycanda keçirilməsi iqlim dəyişikliyi məsələlərində ölkənin beynəlxalq aləmdəki rolunu və məsuliyyətini vurğulayır.

Bu barədə “Azərbaycan iqtisadiyyatı” Teleqram kanalına özbəkistanlı ekspert, iqtisadçı Uluqbek Kamaletdinov məlumat verib.

“Azərbaycan tədbirin ev sahibi kimi müzakirələrin formalaşdırılmasında fəal iştirak edə və beynəlxalq ictimaiyyətin diqqətini iqlim problemlərinə, yeni yaşıl təşəbbüslərə cəlb edə bilər”, - deyə o bildirib.

Ekspertin sözlərinə görə, BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası iqlim dəyişikliyi məsələlərinin müzakirə edildiyi və onun mənfi nəticələrinin azaldılması üçün qərarların qəbul edildiyi əsas beynəlxalq forumdur.

"Bundan əlavə, COP29 müxtəlif ölkələrdən olan ekspertlər və nümayəndələr də daxil olmaqla iştirakçılar arasında təcrübə mübadiləsi və biliklərin ötürülməsi üçün platforma rolunu oynaya bilər. Azərbaycan bundan öz işçi qüvvəsini hazırlamaq, iqlim elmi və siyasəti sahəsində səriştələri inkişaf etdirmək üçün istifadə edə bilər.

Bu, milli ekoloji siyasətin təkmilləşdirilməsinə və iqlimlə bağlı tədbirlərin həyata keçirilməsinə kömək edir”, - U.Kamaletdinov deyib.

Ekspertin fikrincə, COP29 həm də Azərbaycana yaşıl texnologiyaların potensialını reallaşdırmağa və enerji siyasətinə yenidən baxılmasını stimullaşdırmağa kömək edə bilər: “Azərbaycan artıq öz enerji sistemlərinin inkişafı üçün bərpa olunan enerji və digər yaşıl texnologiyalara inteqrasiya etmiş digər ölkələrin uğurlu nümunələrindən ilhamlana bilər. Bu, ölkəni beynəlxalq iqlim əməkdaşlığının fəal iştirakçısı kimi gücləndirməyə kömək edə və bərpa olunan enerji, enerji səmərəliliyi və istixana qazlarının emissiyalarının azaldılması sahəsində daha iddialı planların işlənib hazırlanmasına və həyata keçirilməsinə töhfə verə bilər”.

Tamilla MƏMMƏDOVA

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb