21 Noyabr 2026
SOSİAL-İQTİSADİ ONLAYN QƏZET
Startapçı qida itkilərinin qarşısını almağa yönələn mobil tətbiq hazırlayıb

Startapçı qida itkilərinin qarşısını almağa yönələn mobil tətbiq hazırlayıb

Azərbaycanlı startapçı, “SnackPack” MMC-nin nümayəndəsi Ramil Tağıyev komandası ilə birlikdə qida itkilərinin qarşısını almağa yönələn mobil tətbiq hazırlayıb. Layihə rəhbəri R.Tağıyevin “vergiler.az”a verdiyi məlumata görə, Kiçik və Orta Biznesin İnkişafı Agentliyi tərəfindən startap şəhadətnaməsi verilmiş layihənin dəyəri 1,2 milyon dollardır. Hazırda “SnackPack” layihəsində iştirakla bağlı bir xarici mələk investorla danışıqlar aparılır. Layihənin fevral ayından tətbiqinə başlamaq nəzərdə tutulur. İstifadəçilər bu mobil tətbiq vasitəsilə axşam saatlarında kafelərin satılmayan yeməklərini endirimli qiymətlərlə ala biləcəklər.

Layihənin həm gəlir gətirən, həm də sosial əhəmiyyətli olduğunu deyən R.Tağıyev əlavə edib ki, “SnackPack” yeməklərin israfının qarşısını almaqla yanaşı, kafelərin büdcələrinə qənaət etməsinə gətirib çıxaracaq: “Layihə ilk növbədə planetimiz üçün faydalıdır. Çünki yeni yemək bişirilmir, bişirilmiş yeməkləri satmaqla, boş yerə əlavə enerji və resurslar sərf edilmir. Üstəlik, bu yenilik Azərbaycanda başlayan “Yaşıl dünya naminə hərəkata” bir dəstəkdir. Yeri gəlmişkən, Prezident İlham Əliyev tərəfindən 2024-cü il “Yaşıl dünya naminə həmrəylik ili” elan edilib və biz “SnackPack” olaraq bu təşəbbüsə öz töhfəmizi verəcəyik”.

R.Tağıyev əlavə edib ki, hazırda 4 kafe tərəfdaşları var. Gələcəkdə bu istiqamətdə həm hotellər, həm də marketlərlə əməkdaşlıq etməyi nəzərdə tuturlar. Layihə müəllifləri kafelərlə müqavilə əsasında işləyəcək, onlardan bu xidmətə görə komissiya haqqı alacaqlar.

İlhamə İSABALAYEVA

VergiFiziki şəxs öz adına olan VÖEN-i necə ləğv edə bilər? VergiXarici filmlərin yerli kinoteatrlarda nümayişindən əldə edilən gəlirlər hansı formada vergiyə cəlb olunur? VergiFiziki şəxs vergi ödəyicisi olmasını necə dəqiqləşdirə bilər? VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı?