“Coursera” proqramı üzrə 7 mindən çox kurs Azərbaycan dilində tədris olunacaq
2024-cü ildə “Coursera” proqramının əhatə dairəsi genişləndiriləcək və ilk dəfə olaraq bu proqram üzrə 7 mindən çox kurs süni intellekt vasitəsilə Azərbaycan dilinə tərcümə ediləcək.
Bu barədə Dördüncü Sənaye İnqilabının Təhlili və Koordinasiya Mərkəzinin (4SİM) icraçı direktoru Fariz Cəfərov deyib.
Onun sözlərinə görə, “Coursera” ilə əməkdaşlıq çərçivəsində Azərbaycanın “4Sİ Akademiyası” dünya statistikası üzrə 70 faizlik göstərici ilə ən yaxşı nəticəsi olan proqram kimi dəyərləndirilib.
“Coursera” dünyanın ən böyük təhsil platformalarından biridir və bu platformada 300-dən çox universitet, eyni zamanda, böyük şirkətlərin diplom və sertifikat proqramları tədris olunur. Bu günədək artıq 1300-dən çox azərbaycanlı bizim təqdim etdiyimiz “Coursera” platformasında proqramı bitiriblər. Bu günədək 6654 min nəfər qeydiyyatdan keçib. Biz növbəti ilin sentyabr ayınadək 10 min insana bu imkanı çatdıracağıq”, - deyə F.Cəfərov qeyd edib.
