“Azərbaycanın 2024-cü ilin noyabrında COP29 iqlim dəyişikliyi konfransına ev sahibliyi etməsi ilə bağlı yekdil qərar ölkənin bu sahədə ciddi addımlar atmağa sadiq olduğunun mühüm göstəricisidir”. Bunu “Azərbaycan iqtisadiyyatı” Teleqram kanalına türkiyəli alim, siyasi elm, iqtisadiyyat və beynəlxalq əlaqələr üzrə ekspert Mehmet Emir Aksoy deyib.

"Bu mötəbər tədbirin Bakıda keçirilməsi hökumətin iqlim dəyişikliyi ilə bağlı mühüm strategiyasını nümayiş etdirir. Ölkə aktual ekoloji problemləri həll etmək və iqlim dəyişikliyinin təsirlərinin azaldılması üçün davamlı həll yolları tapmaq sahəsi üzrə əla imkan əldə edəcək. Ekoloji gündəliyə sadiqlik Azərbaycanın dünya səhnəsində fəal və nüfuzlu oyunçu rolunu daha da genişləndirəcək", - ekspert bildirib.

M.E.Aksoyun sözlərinə görə, Azərbaycanın iqlim sammitinə ev sahibliyi ölkənin regional liderlik imkanlarını və müsbət imicini gücləndirəcək: “Son illərdə Türk Dövlətləri Təşkilatının toplantılarına ev sahibliyi edən Azərbaycan alternativ diplomatiya elementlərindən fəal istifadə etməklə qarşıdakı illərdə regionda daha böyük üstünlük əldə edəcək. Tezliklə Azərbaycan böyük və müstəqil iqtisadiyyatı, güclü diplomatiya və inkişaf etmiş mədəniyyəti ilə Asiya və Avropanın parlaq ulduzuna çevriləcək”.

Tamilla MƏMMƏDOVA