2023-cü ilin yanvar-noyabr ayları ərzində ölkənin pərakəndə ticarət şəbəkəsində toxuculuq, geyim və ayaqqabı məhsullarının alışına istehlakçılar tərəfindən 7,54 milyard manatdan çox vəsait xərclənib.

"Azərbaycan iqtisadiyyatı" Teleqram kanalının Dövlət Statistika Komitəsinin hesabatı əsasında apardığı hesablamalara görə, bu, 2022-ci ilin müvafiq göstəricisi ilə müqayisədə 13,3 faiz və ya 888,2 milyon manat çoxdur.

Təkcə 2023-cü ilin noyabr ayında qeyd olunan məhsul kateqoriyaları üzrə satışların dəyəri 1,09 milyard manat təşkil edib ki, bu da oktyabr göstəricisini 13,2 faiz və ya 127,9 milyon manat üstələyir.

Qeyd edək ki, 2023-cü ilin ilk 11 ayında istehlakçıların pərakəndə ticarət şəbəkəsində xərclədiyi vəsaitin 14,7 faizi toxuculuq məhsulları, geyim və ayaqqabıların alınmasına sərf olunub.