2023-cü ilin yanvar-noyabr aylarında ölkədə 49 min tondan çox pendir və kəsmik istehsal edilib.

"Azərbaycan iqtisadiyyatı" Teleqram kanalının Dövlət Statistika Komitəsinin hesabatı əsasında apardığı hesablamalara görə, 2022-ci ilin eyni dövrünün göstəricisi ilə müqayisədə istehsal 3 faiz və ya 1,47 min ton artıb.

Ötən ilin oktyabr ayı ilə müqayisədə isə noyabrda 0,2 faiz və ya 9,1 ton artım müşahidə olunub. Noyabr ayında 4,47 min ton pendir və kəsmik istehsal olunub. Dekabr ayının 1-nə hazır məhsul ehtiyatı isə 7,8 ton təşkil edib.