“Dövlət satınalmaları haqqında” yeni qanuna uyğun olaraq, 1 yanvar 2024-cü il tarixindən etibarən açıq tender metodu üzrə təkliflərin cəlb edilməsi barədə elan ehtimal olunan qiymət 1 milyon manatadək olduqda 15 iş günündən əvvəl dövlət satınalmalarının vahid internet portalında dərc edilməlidir.

"Azərbaycan iqtisadiyyatı" Teleqram kanalı İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə istinadən xəbər verir ki, ehtimal olunan qiymət 1 milyon manatdan 10 milyon manatadək olduqda 20 iş günü, 10 milyon manat və ondan çox olduqda isə 30 iş günündən əvvəl portalda öz əksini tapmalıdır.