23 Noyabr 2026
SOSİAL-İQTİSADİ ONLAYN QƏZET
“UPI - Universal Packing İndustry” gələn ildən karton istehsalına başlayacaq

“UPI - Universal Packing İndustry” gələn ildən karton istehsalına başlayacaq

İqtisadi Zonaların İnkişafi Agentliyinin idarəçiliyində olan Sumqayıt Kimya Sənaye Parkının rezidenti “UPI - Universal Packing Industry” Qapalı Səhmdar Cəmiyyəti gələn ilin əvvəlindən tam gücü ilə fəaliyyətə başlayacaq.

Bunu “Azərbaycan iqtisadiyyatı” Teleqram kanalına QSC-nin direktoru Fikrət Vəliyev deyib.

Onun sözlərinə görə, qablaşdırma məhsullarının (qofro karton, fayl və s.) istehsalı müəssisəsi olan “UPI - Universal Packing Industry” artıq 500 minə yaxın fayl istehsal edib. Bu fayllar daxili bazarın tələbatının ödənilməsinə yönəldilib.

Müəssisə karton istehsalına başlamaq üçün tələb olunan xammalı Rusiyadan alacaq. Rusiyadan 380 min ton kağızın gətirilməsi, gələn ilin əvvəlindən isə karton istehsalına başlanılması nəzərdə tutulur. İlkin mərhələdə ay ərzində təqribən 500 min kvadratmetr karton istehsal ediləcək. Sonrakı mərhələlərdə karton istehsalının 25 milyon kvadratmetrədək artırılması planlaşdırılır.

Qeyd edək ki, müəssisənin ümumi investisiya dəyəri 4,8 milyon manatdan artıqdır. Zavod bu ilin oktyabr ayından fəaliyyətə başlayıb.

Xatırladaq ki, “UPI - Universal Packing Industry” QSC-yə 2019-cu ilin sentyabrında Sumqayıt Kimya Sənaye Parkının rezidentliyi statusu verilib.

VergiFiziki şəxs öz adına olan VÖEN-i necə ləğv edə bilər? VergiXarici filmlərin yerli kinoteatrlarda nümayişindən əldə edilən gəlirlər hansı formada vergiyə cəlb olunur? VergiFiziki şəxs vergi ödəyicisi olmasını necə dəqiqləşdirə bilər? VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı?