Hazırda Zəngilanın avtomobil yollarında “Yol nişanı” MMC-nin istehsalı olan yol nişanları quraşdırılır. Bunu “Azərbaycan iqtisadiyyatı” Teleqram kanalına “Yol nişanı” MMC-nin nümayəndəsi Türkan Əliyeva deyib.

Onun sözlərinə görə, Şuşa və Laçında da istehsal etdikləri yol nişanları quraşdırılıb.

T.Əliyeva bildirib ki, il ərzində 5-6 min yol nişanı istehsal edirlər. İstehsal etdikləri məhsulun dəyəri sifariş sayından asılı olaraq dəyişir: “Əsas hədəfimiz yerli istehsalı artırmaqla idxalın azaldılmasına nail olmaqdır. İstehsal üçün həm yerli, həm də xaricdən gətirilmiş xammaldan istifadə edirik”.

T.Əliyeva qeyd edib ki, Azərbaycanın yol nişanlarına olan tələbatının 30-40 faizi təmsil etdiyi şirkət tərəfindən ödənilir.