Bu ilin əvvəlindən Rusiya Federasiyasının Ulyanovsk vilayətindən Azərbaycana 13 min tondan çox taxıl ixrac edilib.

"Azərbaycan iqtisadiyyatı" Teleqram kanalı Rusiyanın Baytarlıq və Fitosanitar Nəzarəti üzrə Federal Xidmətinə ("Rosselxoznadzor") istinadən xəbər verir ki, Azərbaycan regiondan taxıl məhsulları idxal edən əsas ölkələr arasında 2-ci yerdə qərarlaşıb.

Ümumilikdə hesabat dövründə Ulyanovsk vilayətindən 58 min ton taxıl ixrac edilib ki, bu da illik ifadədə 37 faiz çoxdur. Ən çox məhsul tədarükləri Qazaxıstan (22 958 ton), Azərbaycan (13 168 ton) və Qırğızıstanın (9784 ton) payına düşüb.

Məhsul idxalçı ölkələrin tələblərinə cavab verir.