Son 3 il ərzində aparılan maarifləndirmə və təbliğat işləri nəticəsində əhalidə sığortaya inam 34 faiz yüksəlib, biznes subyektlərində isə bu göstərici 39 faiz təşkil edib.

"Azərbaycan iqtisadiyyatı" Teleqram kanalı Azərbaycan Sığortaçılar Assosiasiyasının məlumatına istinadən xəbər verir ki, maarifləndirmə və təbliğatın sığorta sektoruna təsirlərinin ölçülməsi məqsədilə 1190 nəfər arasında sorğu keçirilib.

Sorğunun nəticələrinə görə, əhalinin 46 faizi, biznes subyektlərinin isə 50 faizi hadisə baş verərsə, sığortanın kömək ola biləcəyinə inandığını bildirib. Məlum olub ki, əhalinin 57 faizi, biznes subyektlərinin isə 64 faizi sığorta xidmətlərindən müntəzəm olaraq istifadə edir. Sorğuda əhalinin 43 faizi, biznes subyektlərinin isə 45 faizi sığorta xidmətlərini tam əlçatan hesab edib.