Bu ilin yanvar-noyabr ayları ərzində “Azərbaycan Dəmir Yolları” QSC-nin törəmə müəssisəsi olan “ADY Express” MMC ölkənin iri məhsul istehsalçısı olan “Holcim” ASC-yə məxsus 301 104 ton sement və klinkeri daşıyıb.

“ADY Express”dən verilən məlumata görə, bu, ötən ilin eyni dövrünün göstəricisini 78,1 faiz və ya 132 054 ton üstələyir.

Azərbaycanda istehsal olunan sement və klinkerin daşınması üçün əsas istiqamət Gürcüstandır. Yükdaşımalar Qaradağ-Tbilisi, Qaradağ-Poti, Qaradağ-Rustavi və digər marşrutlar üzrə həyata keçirilib.