İnnovasiya milli iqtisadiyyat üçün həyat gücü mənbəyi, rəqabətqabiliyyətlilik, inkişaf və maliyyə davamlılığı üçün katalizatordur.

Bunu Bakıda keçirilən “InMerge Innovation Summit”də iqtisadiyyat nazirinin birinci müavini Elnur Əliyev deyib.

E.Əliyevin sözlərinə görə, innovasiya sahibkarlığın inkişafına və iş yerlərinin açılmasına, investisiyaların cəlb edilməsinə töhfə verir ki, bu da iqtisadi inkişafı stimullaşdırır.

“İnnovasiya ölkələrə inkişaf edən qlobal bazarlara və texnoloji nailiyyətlərə uyğunlaşmağa imkan verir, onların dinamik iqtisadi mühitdə davamlı aktuallığı və dayanıqlılığını təmin edir”, - o əlavə edib.