Bu ilin yanvar-oktyabr aylarında Azərbaycanın Macarıstanla ticarət dövriyyəsinin ümumi həcmi 12,3 faiz və ya 4,6 milyon ABŞ dolları artaraq 42 milyon dolları üstələyib.

"Azərbaycan iqtisadiyyatı" Teleqram kanalının Dövlət Gömrük Komitəsinin hesabatı əsasında apardığı hesablamalara görə, cari ilin ilk 10 ayında Azərbaycandan Macarıstana 4,1 milyon dollar dəyərində məhsul ixrac edilib ki, bu da 2022-ci ilin eyni göstəricisindən 2,2 dəfə və ya 2,28 milyon dollar çoxdur.

Macarıstandan Azərbaycana idxal edilən məhsulların dəyəri isə 6,5 faiz və ya 2,32 milyon dollar artaraq 37,9 milyon dolları ötüb.

Cari ilin yanvar-oktyabr aylarının nəticələrinə görə, ölkənin ümumi ticarət dövriyyəsində Macarıstanla ticarətin payı 0,1 faiz təşkil edib ki, bu da bir il əvvəlki eyni göstəricidən 0,01 faiz bəndi çoxdur.