Çin Xalq Respublikasının Pekin şəhərində "Azərbaycan Hava Yolları" QSC, Azərbaycan Turizm Bürosu və “China Tourism Group” arasında turizm sahəsində strateji tərəfdaşlığa dair Anlaşma Memorandumu imzalanıb.

"Azərbaycan iqtisadiyyatı" Teleqram kanalı QSC-nin məlumatına istinadən xəbər verir ki, Memorandum çərçivəsində Azərbaycanda yeni turizm məhsullarının yaradılması, onların təşviqi, həmçinin onlayn və əyani şəkildə müxtəlif tədbirlərin təşkili üzrə birgə işlərin görülməsi nəzərdə tutulur.

Qeyd edək ki, bu ilin yanvar-oktyabr ayları ərzində Çindən Azərbaycana 20 469 nəfər səfər edib ki, bu da ötən ilin eyni dövrünün göstəricisini 7 dəfədən çox üstələyir.