Bu ilin yanvar-oktyabr ayları üzrə operativ məlumatlara əsasən, ölkə üzrə elektrik enerjisinin istehsalı ötən ilin müvafiq dövrü ilə müqayisədə 278,5 milyon kVt·st və ya 1,2 faiz artaraq 24 032,8 milyon kVt·st təşkil edib.

"Azərbaycan iqtisadiyyatı" Teleqram kanalı Energetika Nazirliyinin məlumatına istinadən xəbər verir ki, hesabat dövründə İES-lər üzrə 22 213,8 milyon kVt·st, su da daxil olmaqla bərpa olunan mənbələrdən 1 819 milyon kVt·st elektrik enerjisi istehsal edilib.

Cari ilin ilk 10 ayında elektrik enerjisinin ixracı 2 357,1 milyon kVt·st, idxalı isə 190,1 milyon kVt·st təşkil edib.