Gələn il Ağdam Sənaye Parkında 4-5 müəssisənin fəaliyyətə başlayacağı gözlənilir.

"Azərbaycan iqtisadiyyatı" Teleqram kanalı xəbər verir ki, bunu İqtisadi Zonaların İnkişafı Agentliyinin İdarə Heyətinin sədri Elşad Nuriyev deyib. Onun sözlərinə görə, həmin müəssisələrin inşası yaxın zamanda yekunlaşdırılacaq: "Bunlar, əsasən, tikinti materialları, ayaqqabı, divar kağızı istehsalı müəssisələridir. Eyni zamanda, Ağdam Sənaye Parkında infrastruktur işləri də aparılır".