Dünya Bankı 2023-cü ildə Azərbaycanın cari əməliyyatlar hesabının profisitini ÜDM-in 14,6 faizi səviyyəsində proqnozlaşdırır ki, bu da Şərqi Avropa və Mərkəzi Asiya regionunda ən yüksək göstəricidir.

Bu barədə yenilənmiş “Regional Economic Outlook” hesabatında bildirilir. Hesabatda qeyd olunur ki, cari əməliyyatlar üzrə müsbət saldo ortamüddətli dövrdə də davam edəcək.

2023-cü ilin birinci yarısında fiskal balansda böyük profisit formalaşıb - ÜDM-in 18,4 faizi. Bu, artan vergi daxilolmalarının köməyi ilə gəlirlərin ÜDM-in 44 faizinə qədər artması ilə əlaqədardır.

Həmçinin Azərbaycanda əhəmiyyətli büdcə buferləri saxlanılır - Dövlət Neft Fondunun (ARDNF) ehtiyatları ilin birinci yarısında 12 faiz artaraq 55 milyard ABŞ dollarına çatıb.

İqtisadiyyatın kreditləşməsi 9 faiz artıb, problemli kreditlərin illik ifadədə nisbəti isə iyunun sonuna 3,5 faizdən 2,3 faizə enib.