Bu ilin yanvar-avqust aylarında Azərbaycanın Yaponiya ilə ticarət dövriyyəsinin ümumi həcmi ötən ilin müvafiq dövrünə nisbətdə 85,3 milyon ABŞ dolları və ya 43,6 faiz artaraq 281 milyon dolları üstələyib.

“Azərbaycan iqtisadiyyatı” Teleqram kanalının Dövlət Gömrük Komitəsinin hesabatı əsasında apardığı hesablamalara görə, cari ilin ilk 8 ayında Azərbaycandan Yaponiyaya 10,9 milyon dollar dəyərində məhsul ixrac edilib ki, bu da 2022-ci ilin eyni göstəricisindən 599,7 min dollar və ya 5,8 faiz çoxdur.

Yaponiyadan Azərbaycana idxal edilən məhsulların dəyəri isə 45,7 faiz və ya 84,7 milyon dollar artaraq 270 milyon dollar təşkil edib.

Cari ilin yanvar-avqust aylarının nəticələrinə görə, ölkənin ümumi ticarət dövriyyəsində Yaponiya ilə ticarətin payı 0,79 faiz təşkil edib ki, bu da bir il öncəki eyni göstəricini 0,24 faiz bəndi üstələyir.