Qazaxıstan və Türkiyə Transxəzər Beynəlxalq Nəqliyyat Marşrutundan (TİTR) istifadəni aktivləşdirmək və ondan istifadə etməklə malların tədarükünü artırmaq niyyətindədirlər.

“vergiler.az”ın TASS agentliyinə istinadən verdiyi xəbərə görə, bunu Qazaxıstan Baş nazirinin müavini və xarici işlər naziri Murat Nurtleu türkiyəli həmkarı Hakan Fidan ilə Astanada apardığı danışıqlardan sonra bildirib.

“Dünyada mürəkkəb geosiyasi və geoiqtisadi vəziyyət hökm sürür, bu baxımdan biz nəqliyyat və tranzit sahəsində imkanların daha da artırılmasına yönəlmişik. Xüsusən də belə qənaətə gəldik ki, TİTR-in potensialından tam istifadə etməklə daşımaları artırmaq lazımdır”, o deyib.

Qeyd edək ki, TİTR Çin, Qazaxıstan, Xəzər dənizi, Azərbaycan, Gürcüstan və daha sonra Avropa ölkələrinə keçir. Dəmir yolu və dəniz nəqliyyatı ilə konteyner daşımalarını həyata keçirir.