Bu ilin yanvar-iyul ayları ərzində istehlakçı hüquqlarının müdafiəsi və istehlak bazarına nəzarət sahəsində Antiinhisar və İstehlak Bazarına Nəzarət Dövlət Xidmətinə daxil olan 1463 müraciət təmin olunub.

Xidmətdən “vergiler.az”a verilən məlumata görə, bu, ötən ilin analoji dövrü ilə müqayisədə 9,8 faiz çoxdur.

Təmin olunan müraciətlər nəticəsində 216 878 manat vəsait sahibkarlıq subyektləri tərəfindən istehlakçılara geri qaytarılıb, 36 501 manat məbləğində dəymiş ziyan ödənilib.