Bu ilin yanvar-iyul aylarında dəniz nəqliyyatı ilə daşınan yüklərin həcmi 5 341,5 min ton təşkil edib ki, bu da əvvəlki ilin müvafiq dövrünə nisbətən 24,8 faiz çoxdur.

“vergiler.az” Dövlət Statistika Komitəsinin hesabatına istinadən xəbər verir ki, yüklərin 56,9 faizini neft yükləri təşkil edib.

Dəniz limanları tərəfindən 7 445,8 min ton həcmində yükləmə-boşaltma işləri həyata keçirilib və yüklərin 6 111,9 min tonunu və ya 82,1 faizini tranzit yüklər təşkil edib.

2023-cü il avqust ayının 1-i vəziyyətinə limanlarda qalan yüklərin həcmi 285,7 min ton olub. Dövr ərzində bu nəqliyyat növü ilə daşınan sərnişinlərin sayı 2022-ci ilin müvafiq dövrünə nisbətən 5,8 faiz artaraq 12,7 min nəfər təşkil edib.