Bu ilin iyul ayında dünya bazarında Azərbaycan neftinin (Azeri Light) 1 barelinin orta qiyməti 83,97 ABŞ dolları təşkil edib.

“vergiler.az”ın SOCAR-ın statistik göstəriciləri əsasında apardığı hesablamalara görə, bu, 2022-ci ilin eyni ayının göstəricisi ilə müqayisədə 33,04 dollar və ya 28,2 faiz azdır. Cari ilin iyun ayı ilə müqayisədə isə iyulda 9,67 dollar və ya 13 faiz artım qeydə alınıb.

Ay ərzində yüksək göstərici 89,27 dollar, minimal göstərici isə 79,18 dollar səviyyəsində olub. İyul ayı ərzində Azərbaycan neftinin qiyməti 10,09 dollar və ya 12,74 faiz artıb.