14 avqust tarixində Azərbaycanın yeddi turoperatorundan ibarət nümayəndə heyəti əməkdaşlıq qurmaq üçün Dağıstan Respublikasına səfər edəcək.

Dağıstan İxraca Dəstək Mərkəzindən "vergiler.az"a verilən məlumata görə, Azərbaycanın işgüzar dairələrinin biznes missiyası Dağıstanın Turizm Nazirliyinin nümayəndələri ilə birlikdə məşhur məkanlara səfər edəcək və regionun mehmanxana infrastrukturu ilə tanış olacaqlar.

Səfərin məqsədi birgə turların işlənib hazırlanması, həmçinin Dağıstan və Azərbaycan arasında turist axınının artırılmasıdır.