Bu ilin yanvar-iyul ayları ərzində "Azəri-Çıraq-Günəşli" yataqlar bloku üzrə əldə olunan gəlir 4,158 milyard ABŞ dolları təşkil edib.

“vergiler.az”ın Azərbaycan Respublikası Dövlət Neft Fondunun hesabatı əsasında apardığı hesablamalara görə, bu 2022-ci ilin eyni göstəricisi ilə müqayisədə 1,525 milyard dollar və ya 26,8 faiz azdır.

Hesabat dövründə "Şahdəniz" yatağı üzrə qaz və kondensat satışından əldə olunan gəlirin həcmi illik ifadədə 6,4 faiz və ya 69 milyon dollar artaraq 1,141 milyard dollar təşkil edib.

O cümlədən cari ilin ilk 7 ayında "Şahdəniz" yatağı üzrə kondensatın satışından 259,6 milyon dollar əldə olunub ki, bu 2022-ci ilin yanvar-iyul aylarının göstəricisinə nisbətdə 2,7 faiz və ya 6,875 milyon dollar çoxdur.