Prezident İlham Əliyevin “Abşeron” qaz-kondensat yatağının işlənməsinin ikinci mərhələsi üzrə tapşırıqları rəhbər tutularaq xarici investorlarla fəal əməkdaşlıq aparılır. SOCAR, "TotalEnergies" və ADNOC arasında "Abşeron" qaz-kondensat yatağında ADNOC şirkətinin pay alışı ilə bağlı saziş imzalandı.

Bu barədə iqtisadiyyat naziri Mikayıl Cabbarov öz sosial şəbəkə hesablarında yazıb: "Sənədə əsasən, ADNOC yataqda 30%, SOCAR və "TotalEnergies" şirkətlərinin hər biri isə 35% iştirak payına sahib olacaq. Layihə üçtərəfli əlaqələrin güclənməsinə, ölkəmizin etibarlı təbii enerji təchizatçısı kimi mövqeyinin möhkəmlənməsinə, bu sahədə hasilat potensialının və ixracın artırılmasına əhəmiyyətli töhfə verəcək", - nazir əlavə edib.