Bu ilin yanvar-iyul ayları ərzində Bakı Fond Birjasında (BFB) qiymətli kağızlar üzrə keçirilən əməliyyatların ümumi həcmi 9,777 milyard manat təşkil edib ki, bu da ötən ilin müvafiq dövrü ilə müqayisədə 19 faiz çoxdur.

BFB-dən “vergiler.az”a verilən məlumata görə, ötən ilin müvafiq dövrü ilə müqayisədə korporativ qiymətli kağızaların ilkin bazarı üzrə ticarət həcmində 27 faiz, korporativ qiymətli kağızların təkrar bazarı üzrə 39 faiz, repo əməliyyatları üzrə isə 61 faiz artım qeydə alınıb.

Ötən il ilə müqayisədə korporativ qiymətli kağızların repo əməliyyatların bazarı 9 dəfə artıb. 2023-cü ilin iyul ayının son ticarət günü üzrə səhm bazar kapitalizasiyası 4,9 milyard manat təşkil edib və ötən ilin son ticarət günü ilə müqayisədə 20 faiz böyümə qeydə alınıb.