Voronejin süd istehsalçısı “Zemlyanskmoloko” MMC öz məhsullarını Azərbaycana tədarük etməkdə maraqlıdır.

"vergiler.az" Rusiyanın Baytarlıq və Fitosanitar Nəzarəti üzrə Federal Xidmətinə ("Rosselxoznadzor") istinadən xəbər verir ki, Azərbaycan tərəfinin baytarlıq tələblərinə uyğunluğunu qiymətləndirmək məqsədilə Azərbaycan Qida Təhlükəsizliyi Agentliyinin müfəttişləri ilə birlikdə müəssisənin istehsalat sahələrində onlayn audit keçirilib.

Azərbaycan tərəfi müəssisənin istehsal sahələri və anbarları ilə ətraflı tanış olub. Audit iştirakçıları süd məhsullarının təhlükəsizliyinin təmin edilməsi məsələlərinə diqqətlə yanaşıblar.