2023-cü ilin yanvar-iyun ayları ərzində İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə vətəndaşlar tərəfindən daxil olan 3458 müraciətə baxılıb.

Xidmətdən “vergiler.az”a verilən məlumata görə, daxil olan müraciətlərdən 1274-ü təmin olunub, 1420 müraciətdə vətəndaşlara qanunamüvafiq izahat və tövsiyə verilib.

Hesabat dövründə 230 müraciət baxılması üçün aidiyyəti orqanlara göndərilib, 30 müraciət üzərində araşdırma aparılıb və ərizələrdə qeyd olunan faktlar aşkar edilməyib.

Bununla yanaşı, zəruri sənədlər təqdim edilmədiyindən 30 müraciətə baxılması dayandırılıb, 10-u ilə bağlı isə vətəndaşlara aidiyyəti üzrə müraciət etmələri tövsiyə olunub.

Hazırda 464 müraciət üzrə araşdırma davam edir.