Bu ilin yanvar-iyun aylarında Azərbaycanın qeyri-neft məhsullarının ixracının dəyəri 1 773,34 milyon ABŞ dolları təşkil edib ki, bu da ötən ilin analoji dövrü ilə müqayisədə 21,7 faiz çoxdur.

İxracın və İnvestisiyaların Təşviqi Agentliyindən (AZPROMO) “vergiler.az”a verilən məlumata görə, cari ilin ikinci rübündə qeyri-neft ixracı illik ifadədə 17,9 faiz artaraq 861,15 milyon dollar təşkil edib.

Təkcə bu ilin iyun ayında isə bu göstərici 14,1 faiz artaraq 307,5 milyon dollara bərabər olub.