2023-cü ilin yanvar-may aylarında 17 bazar subyekti tərəfindən əmtəə nişanından qanunsuz istifadə etməklə haqsız rəqabətə yol vermə əlamətləri könüllü aradan qaldırılıb.

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin məlumatına görə, qeyd edilən qanun pozuntusu əlamətlərinə mobil telefonların satışı bazarında (53%) daha çox rast gəlinib.

Bunlardan 9-u mobil telefonların satışı, 2-si kosmetoloji avadanlıqların idxalı və satışı, 2-si alkoqolsuz içkilərin istehsalı və satışı, 1-i geyim mallarının satışı, 1-i yeyinti məhsullarının istehsalı və satışı, 1-i xidmət, 1-i isə nəqliyyat vasitələri ilə yük daşınmasına aiddir.