Bu ilin yanvar-may aylarında Azərbaycanın Yunanıstanla ticarət dövriyyəsinin ümumi həcmi 213,9 milyon ABŞ dolları və ya 43,9 faiz artaraq 700,7 milyon dollar təşkil edib.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, cari ilin ilk beş ayında Azərbaycandan Yunanıstana 693,7 milyon dollar dəyərində məhsul ixrac edilib ki, bu da 2022-ci ilin eyni göstəricisini 215,2 milyon dollar və ya 45 faiz üstələyir.

Yunanıstandan Azərbaycana idxal edilən məhsulların dəyəri isə 15,6 faiz və ya 1,29 milyon dollar azalaraq 7 milyon dollar təşkil edib.

Cari ilin yanvar-may aylarının nəticələrinə görə, ölkənin ümumi ticarət dövriyyəsində Yunanıstanla ticarətin payı 3,05 faiz təşkil edib ki, bu da bir il öncəki göstəricidən 0,7 faiz bəndi çoxdur.