Azərbaycan sahibkarlarının Misir Ərəb Respublikasının paytaxtı Qahirə şəhərinə işgüzar səfəri təşkil olunub.

Azərbaycan Respublikasının İxracın və İnvestisiyaların Təşviqi Agentliyindən (AZPROMO) “vergiler.az”a verilən məlumata görə, səfər çərçivəsində Agentliyin rəhbəri Yusif Abdullayev Misirin ticarət və sənaye nazirinin birinci müavini Yəhya Elvatik Bellah ilə görüşüb.

Görüşdə iqtisadi-ticarət əməkdaşlığının gücləndirilməsi imkanlarına dair fikir mübadiləsi aparılıb, ölkələrin ikitərəfli ticarət fəaliyyətinin qanunvericilik bazası barədə məlumat verilib, sahibkarlar arasında tərəfdaşlığın genişləndirilməsi məqsədilə prioritet istiqamətlərin müəyyənləşdirilməsinin vacibliyi vurğulanıb.