Ölkə üzrə taxıl sahələrinin 38,9 faizində biçin yekunlaşıb və iyunun 25-nə olan məlumata görə, 410 237 hektar sahədə biçin prosesi başa çatıb.

Kənd Təsərrüfatı Nazirliyindən “vergiler.az”a verilən məlumata görə, sahələrdən 792 444 ton arpa və 523 354 ton buğda yığılıb. Orta məhsuldarlıq arpa üzrə 30,4 sentner, buğda üzrə 34,9 sentner təşkil edir.

Aran rayonlarında arpa biçini tam yekunlaşmaq üzrədir. Bugünədək payızlıq arpa sahələrinin 65 faizi biçilib, yaxın günlərdə dağətəyi bölgələrdə arpa biçininə başlanacaq.

Qeyd edək ki, bu il ölkə ərazisində 1 milyon hektardan artıq sahədə taxıl əkilib ki, bunun 40 faizi arpa, 60 faizi buğda sahəsidir.