18 Noyabr 2026
SOSİAL-İQTİSADİ ONLAYN QƏZET
Azərbaycan Ulyanovskda ticarət evi açmaqda maraqlıdır

Azərbaycan Ulyanovskda ticarət evi açmaqda maraqlıdır

Sankt-Peterburq Beynəlxalq İqtisadi Forumu çərçivəsində Rusiya Federasiyasının Ulyanovsk vilayətinin qubernatoru Aleksey Russkix ilə Azərbaycanın Rusiyadakı ticarət nümayəndəsi Ruslan Əliyev arasında görüş keçirilib.

“Azərbaycan iqtisadiyyatı” Teleqram kanalı xəbər verir ki, bu barədə Ulyanovsk qubernatoru öz sosial şəbəkə hesabında məlumat verib.

Görüşdə ticarət əlaqələrinin inkişafı, birgə layihələrin həyata keçirilməsi, yeni logistik həllər və ticarət nümayəndəliklərinin yaradılması məsələləri müzakirə edilib. “Biz yeni logistika qurmağa davam edirik və “Orta Volqa – Xəzər dənizi – Fars körfəzi” layihəsinin həyata keçirilməsində birgə iştirak etmək bizim üçün vacibdir. Layihə çərçivəsində əsas vəzifəmiz sabit ixracı təmin etmək üçün yükalanları və yükgöndərənləri cəlb etməkdir. Ümid edirəm ki, Azərbaycan layihənin həyata keçirilməsində fəal iştirak edəcək”, - deyə A.Russkix qeyd edib.

Öz növbəsində R.Əliyev görülən işlərin xüsusi əhəmiyyətini qeyd edib və ölkəmizin logistika layihəsinin həyata keçirilməsinə marağını ifadə edib. Onun sözlərinə görə, Azərbaycan qonşu ölkələrə malların paylanması üçün HUB-a çevrilə bilər.

“Bizim tərəfimizdən Azərbaycandan keçən məhsullar üçün qovşağın yaradılması anlayışı var ki, onlar çeşidlənərək bütün regionda paylansın”, - deyə ticarət nümayəndəsi bildirib.

R.Əliyevin sözlərinə görə, Azərbaycan tərəfi Ulyanovsk vilayətində ticarət evinin açılmasında maraqlıdır və ilkin mərhələdə bu, müştəriləri məhsullarla tanış edəcək stendlər ola bilər.

VergiFiziki şəxs vergi ödəyicisi olmasını necə dəqiqləşdirə bilər? VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı? VergiÇap məhsullarının pərakəndə satışı ilə məşğul olan şəxslər nə zaman gəlir vergisi ödəyicisi olur? VergiAlternativ enerjinin satışı ilə məşğul olan müəssisədə xərclər necə uçota alınmalıdır?