Bu ilin yanvar-may ayları ərzində magistral neft kəmərləri ilə 16 261,3 min ton neft nəql edilib.

“vergiler.az” Dövlət Statistika Komitəsinin hesabatına istinadən xəbər verir ki, nəqletmənin 76,5 faizi Bakı-Tbilisi-Ceyhan (BTC) neft ixrac kəməri ilə həyata keçirilib və cari ilin ilk beş ayı ərzində bu kəmər vasitəsilə 12 434,6 min ton neft ötürülüb ki, bu da ötən ilin eyni dövrünün göstəricisindən 5,5 faiz çoxdur.

Dövr ərzində BTC kəməri ilə nəql edilən neftin 84,3 faizini və ya 10 486,1 min tonunu Azərbaycanda hasil edilən neft, 15,7 faizini və ya 1 948,5 min tonunu isə Türkmənistan və Qazaxıstandan daxil olan neft təşkil edib.