Bu ilin yanvar-aprel aylarında Azərbaycandan İspaniyaya 526 641,07 min ABŞ dolları dəyərində 826 905,05 ton bitumlu süxurlardan alınan xam neft və xam neft məhsulları ixrac olunub.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, bu, 2022-ci il ilin eyni göstəricilərini dəyər ifadəsində 98,4 faiz (261 182,35 min dollar), həcm baxımından isə 2,1 dəfədən çox (441 379,43 ton) üstələyir.

Təkcə cari ilin aprelində bu ölkəyə 135 529,5 min dollar dəyərində 221 689,55 ton xam neft məhsulları ixrac edilib ki, bu da mart ayı ilə müqayisədə dəyər ifadəsində 18 221,22 min dollar (15,5 faiz), həcm olaraq isə 42 317,86 ton (23,6 faiz) çoxdur.