Cari ilin birinci rübündə təkrar gəlirlər üzrə xarici ölkələrlə aparılan əməliyyatların ümumi həcmi 665 milyon ABŞ dolları məbləğində qiymətləndirilib.

“vergiler.az” Azərbaycan Mərkəzi Bankının “Tədiyyə balansı üzrə” hesabatına istinadən xəbər verir ki, hesabat dövründə daxilolmalar 481,6 milyon dollar, ödənişlər isə 183,4 milyon dollar təşkil edib.

Təkrar gəlirlər üzrə ümumi daxilolmaların 93,8 faizini xarici ölkələrdən fiziki şəxslərin pul baratları, 5,6 faizini ölkəyə gətirilən humanitar malların və digər yardımların həcmi, 0,6 faizini isə digər daxilolmalar təşkil edib.

Bu ilin yanvar-mart aylarında ölkəyə göndərilən pul baratlarının həcmi ötən ilin eyni dövrünə nisbətdə 88,2 artaraq 451 milyon dollar, ölkədən köçürülən pul baratlarının həcmi isə 12,6 faiz azalaraq 132 milyon dollar olub. Nəticədə pul baratları üzrə 319 milyon dollar müsbət saldo yaranıb.