Dünya Bankı 2023-cü ildə Azərbaycanda ÜDM-in 2,2 faiz artacağını proqnozlaşdırır.

“Azərbaycan iqtisadiyyatı” Teleqram kanalı xəbər verir ki, bu barədə Dünya Bankının “Qlobal İqtisadi Perspektivlər” hesabatında bildirilir.

Bank analitikləri yaxın iki ildə ölkəmizin iqtisadi artımının daha da sürətlənəcəyini və müvafiq olaraq 2,5 faiz və 2,6 faiz təşkil edəcəyini gözləyirlər.

Hesabatda qlobal iqtisadi artımın kəskin şəkildə yavaşladığı, inkişaf etməkdə olan bazarlarda və inkişaf etməkdə olan iqtisadiyyatlarda yüksək qlobal faiz dərəcələri fonunda maliyyə gərginliyi riskinin artdığı qeyd olunur.

Qlobal iqtisadi artımın 2022-ci ildəki 3,1 faizdən 2023-cü ildə 2,1 faizə qədər yavaşlaması proqnozlaşdırılır. Çin istisna olmaqla, ölkələr üzrə bu il artımın 2,9 faizə qədər yavaşlaması gözlənilir (ötən il bu göstərici 4,1 faiz təşkil edib). Proqnozlar hesablamalara geniş miqyasda aşağıya doğru yenidən baxılmasını əks etdirir.