İqtisadiyyat Nazirliyi yanında Əmlak Məsələləri Dövlət Xidmətində Ədliyyə Nazirliyinin Bələdiyyələrlə İş Mərkəzinin nümayəndələri ilə görüş keçirilib.

Xidmətdən “vergiler.az”a verilən məlumata görə, görüşdə bələdiyyə torpaqlarının idarə edilməsi sahəsində qarşıya çıxan məsələlər və onların həlli istiqamətində qurumlararası əməkdaşlığın genişləndirilməsi, bu sahədə işçi qruplarının fəaliyyətinin intensivləşdirilməsi məsələləri müzakirə edilib. Bununla yanaşı, bələdiyyə torpaqlarının daşınmaz əmlakın dövlət reyestrində qeydiyyatı, torpaq sahələrinin ayrılmasına dair rəyin verilməsi, icarəyə verilmiş bələdiyyə mülkiyyətində olan torpaq sahələrinin, xüsusilə kənd təsərrüfatı təyinatlı torpaqların təyinatına uyğun istifadə edilməməsi halları ilə bağlı tədbirlər, mülkiyyətə və ya icarəyə verilən bələdiyyə torpaqlarının qiymətləndirilməsi və digər məsələlər barəsində fikir mübadiləsi aparılıb.