Azərbaycan və Gürcüstan biznes subyektləri arasında əlaqələrin genişləndirilməsi və əməkdaşlıq perspektivləri müzakirə edilib.

Orta Biznesin İnkişafı Agentliyindən (KOBİA) “vergiler.az”a verilən məlumata görə, qeyd olunan məsələyə Gürcüstana səfər çərçivəsində Agentliyin İdarə Heyətinin sədri Orxan Məmmədovun bu ölkənin Ticarət və Sənaye Palatasının prezidenti Giorgi Pertaia ilə görüşü zamanı toxunulub.

Görüşdə hər iki ölkənin KOB subyektləri arasında əlaqələrin daha da genişləndirilməsinə və əməkdaşlıq imkanlarına dair fikir mübadiləsi aparılıb, KOBİA-nın fəaliyyətinə dair məlumat verilib.

Gürcüstanın iqtisadiyyat və davamlı inkişaf nazirinin müavini İrakli Nadareişvili və “Enterprise Georgia”nın baş direktoru Mixail Xidureli ilə keçirilən görüşdə isə birgə əməkdaşlığa, iki ölkə arasında ticarət əlaqələrinin və investisiyaların artırılmasında KOB-ların roluna dair fikir mübadiləsi aparılıb.