Bu ilin yanvar-aprel aylarında Azərbaycandan 10 944,26 min ABŞ dolları dəyərində 200 969,92 ton hazır və ya klinker formasında sement ixrac edilib.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, bu, 2022-ci ilin müvafiq dövrünün göstəriciləri ilə müqayisədə dəyər ifadəsində 4 035,26 min dollar və ya 58,4 faiz, həcm baxımından isə 27 443,51 ton və ya 15,8 faiz çoxdur.

2023-ci ilin ilk dörd ayı ərzində sementin ümumi ixracda xüsusi çəkisi 0,09 faizə, qeyri-neft məhsullarının ixracında çəkisi isə 0,92 faizə bərabər olub.