Bu ilin yanvar-aprel aylarında ölkədə 1259 ədəd minik avtomobili istehsal olunub.

"vergiler.az"ın Dövlət Statistika Komitəsinin hesabatı əsasında apardığı hesablamalara görə, ötən ilin eyni dövrünün göstəricisi ilə müqayisədə avtomobil istehsalı 77,3 faiz və ya 549 ədəd artıb.

Cari ilin mart ayı ilə müqayisədə isə apreldə istehsal həcmində 28,9 faiz azalma qeydə alınıb. Aprel ayında 334 minik avtomobili istehsal olunub. May ayının 1-nə hazır məhsul ehtiyatı isə 877 avtomobil təşkil edib.

Xatırladaq ki, 2022-ci ildə ölkə üzrə 2049 avtomobil istehsal olunub. İstehsal həcmi illik ifadədə 0,3 faiz artıb.