“Gəncə Avtomobil Zavodu” MTZ traktorlarının illik istehsal həcmini 1000 ədəddən çox artıracaq.

"vergiler.az" xəbər verir ki, bu barədə Belarus mətbuatı ölkənin Sənaye Nazirliyinə istinadən yazır. Qeyd olunur ki, istehsal həcminin artırılmasına dair razılıq Belarus hökumət nümayəndə heyətinin Azərbaycana səfəri zamanı əldə olunub.

“Səfər çərçivəsində qarşılıqlı faydalı təmasların inkişafına töhfə verən və qarşılıqlı tədarükü artırmaqla yanaşı, sənaye sektorunda əməkdaşlığa yeni təkan verəcək razılaşmalar əldə edilib və qərarlar qəbul edilib”, - sənaye nazirinin müavini Aleksandr Yefimov bildirib.