Bu ilin yanvar-mart aylarının nəticələrinə əsasən, Azərbaycan Özbəkistandan xalça idxal edən üç əsas ölkə sırasına daxil olub.

"Azərbaycan iqtisadiyyatı" Teleqram kanalı Özbəkistanın Statistika Agentliyinə istinadən xəbər verir ki, cari ilin ilk üç ayında xalça ixracının dəyəri 12,1 milyon dollar təşkil edib ki, bu da ötən ilin müvafiq göstəricisini 5,4 milyon dollar və ya 80,6 faiz üstələyib.

Özbəkistandan ən çox xalçanı Qırğızıstan (6,8 milyon dollar), Tacikistan (1,5 milyon dollar) və Azərbaycan (1,3 milyon dollar) alıb.

Ümumilikdə cari ilin ilk rübündə Özbəkistan xalçaları 10 ölkəyə tədarük edilib.