Virtual aktivlərlə aparılan əməliyyatlar tənzimlənəcək
Azərbaycan Mərkəzi Bankı tərəfindən “Azərbaycan Respublikasında virtual aktivlərlə əməliyyatların aparılması Qaydası”nın təsdiq olunması virtual məkanda aparılan əməliyyatların tənzimlənməsinə şərait yaradacaq.
Bu barədə “Azərbaycan iqtisadiyyatı” Teleqram kanalına Azərbaycan Banklar Assosiasiyasının prezidenti Zakir Nuriyev deyib.
Onun sözlərinə görə, sənəd yeni təsdiq olunduğu üçün bu istiqamətdə bazar iştirakçılarının konkret mövqeləri barədə nəsə demək tezdir.
“Əlbəttə, bu sahədə fəaliyyət bu və ya digər şəkildə mövcud idi. İndi isə hüquqi baza, fəaliyyət mexanizmləri və qaydalar tənzimlənən formaya gətirildi. Yəni artıq istənilən virtual sahədə apardığımız və ya aparacağımız bütün əməliyyatların bir çərçivəsi və qaydası müəyyən edildi. Söhbət elektron cüzdandan tutmuş kriptovalyutalaradək bütün əməliyyatlardan gedir”, - deyə Z.Nuriyev qeyd edib.
“Azərbaycan Respublikasında virtual aktivlərlə əməliyyatların aparılması Qaydası” ilə aşağıdakı linkdən tanış olmaq olar:
