Bu ilin mart ayında bankların kredit portfeli 1,4 faiz və ya 281,2 milyon manat artaraq 20 038,6 milyon manata çatıb.

“vergiler.az” Azərbaycan Mərkəzi Bankına istinadən xəbər verir ki, kredit portfelinin strukturunda biznes kreditlərinin payı 54,8 faiz (10 971,4 milyon manat), istehlak kreditlərinin payı 29,7 faiz (5 942,4 milyon manat), ipoteka kreditlərinin payı isə 15,6 faiz (3 124,8 milyon manat) təşkil edib.

Cəmi kredit portfelində (BOKT-lar və kredit ittifaqları daxil olmaqla) vaxtı keçən kreditlərin payı əvvəlki ilin müvafiq dövrünə nəzərən 0,9 faiz bəndi azalaraq 2,9 faiz olub.

Öhdəliklərin strukturunda depozit portfeli üstünlük təşkil edir (cəmi öhdəliklərin 81,9 faizi və ya 31 933,2 milyon manat). Depozit portfelinin 63,3 faizi (20 213,7 milyon manatı) hüquqi şəxslərin, 36,7 faizi (11 719,5 milyon manatı) fiziki şəxslərin depozitlərindən (fərdi sahibkarlıqla məşğul olan fiziki şəxslərin depozitləri istisna olmaqla) ibarətdir.