Bu ilin yanvar-fevral aylarında debet kartları ilə aparılan əməliyyatların həcmi 10 512,0 milyon manat, sayı isə 127 652 min ədəd təşkil edib.

“vergiler.az”ın Azərbaycan Mərkəzi Bankının hesabatı əsasında apardığı hesablamalara görə, ötən ilin eyni dövrünə nisbətdə aparılan əməliyyatların həcmində 56,3 faiz, sayında isə 90 faiz artım qeydə alınıb.

Cari ilin yanvar ayına nisbətdə isə fevralda debet kartlarla aparılan əməliyyatların sayı 4 faiz (2 510 min ədəd) artaraq 65 081,0 min ədəd, həcmi isə 14,9 faiz (730 milyon manat) artaraq 5621,0 milyon manat təşkil edib.